Semanū e tulaga ese se isi foi faalavelave e silasila iai tagata i le taeao foi analeila ina ua pa’ū se alii pe ã ma le 40 tausaga i totonu o le auala o le train i le train station i Penshurst i Niu Sa Uelese lava.
Ua ta’ua i lipoti o lea tagata na iai ni aafiaga tau le soifua maloloina na aafia ai ma pa’ū ai i totonu o le auala o le train, fai mai leoleo semanū pa’ū i le va o carriages ma taatia i autafa tonu o le vaega e alu ai uili o le nofoaafi.
Na faia togafitiga ma auina atu i le falemai mulimuli ane ma ua faasolo ina manuia. Ua lapata’ia foi tagata ia mataala i tulaga faapea ma ia faamautinoa o loo saogalemu le vaega o loo iai a o faatali mo trains aemaise le saosaoa e alu ane ai trains e faigata tele ona taofi faafuasei.
