Ua atoa nei le selau tausaga talu ona oo i eleele o le afioaga o Apia le taaloga lakapi.
O se tasi lea o nuu e pei ona silafia e le toatele, na fofoa mai ai nisi o fanau e lelei ma sa tautaua i le taaloga ma avea ai ma avefu’a o Samoa i faagatama faavaomalo.
O le Aso Sa lona tolu o le masina amata o lenei tausaga na faatumulia ai le Malumalu o le Ekalesia Faapotopotoga Kerisiano Samoa i Apia i le sauniga lotu na faamanatu ai le selau tausaga.
O se tapenaga foi na faalauiloa ai ma le Logo poo le tagavai fou a le kalapu lakapi a le afioaga e avea ma faamanatu o nei tausaga e tele o tau asa mai e alo ma fanau aemaise o Tupu ma E’e ma Ponaoo o le afioaga le atinaeina o a latou tamafanau i le lakapi.
O le Apia Maroons o se igoa ua silafia tele ai le kalapu lakapi a Apia.
Manuia le selau tausaga!
