Ua pasia e le Palemene le uluai pili a le faigamalo fou, poo le pili e toe teuteu ai taiala o le faatinoga o tiute o le faletupe tutotonu, le Reserve Bank.
O le pili lenei na amata faavavevave lona iloiloina i totonu o le maota mai le Aso Lua lea na faaumiumi ai ona nofoia le maota i lea po seia oo mai ananafi.
O le dual mandate lenei na faavaeina e le Labour i le 2018 na lua ai poloaiga na poloaia ai le faletupe e tatau ona ia faia, taofiofi le inflation i le maualalo e tatau ona iai faapea ai ma le mataitu o le faatumauina o galuega, ma o le finau a le faigamalo fou a faaauau ai pea ona maualuga le inflation o lona uiga o le umi foi lea ona tigaina o tagata Niu Sila i le taugata o le tau o oloa ma auaunaga faatusa i le malosiaga o le tupe Niu Sila.
O ni teuteuga o loo tetee ai lē sa avea ma minisita o tupe o ia foi na ia aumaia i totonu teuteuga o le tulafono, Grant Robertson.
O le suiga ua iai nei o lea ua toe faafoi i le na o le tasi, poo le single mandate, ma o le taofiofi o le inflation i le maualalo e tatau ona iai lea ua pasia nei.
