Ua pasia le faitauga lona tolu o le Health Reform Bill i le Palemene.  

O le pili lea o le a vaaia ai le 20 o pulega o falemai faaitumalo o le a suia e le Health NZ, galulue faatasi ai ma le Maori Health Authority. O le pili lea ua pasia lona faitauga faatolu i le Palemene, 77 palota i le 42.  

O lona uiga la o le masina fou e tatau ona amata faamamalu ai lea Tulafono. O loo lipotia i le Newstalk se faamatalaga na faia e le minisita o le soifua mālōlōina, Andrew Little e faapea e75 miliona ua faaalu i le faia o ia suiga.  

Na ia ta’ua e aofia ai ma le saunia o le aufaigaluega mo suiga, faatulagaina o le public health agency ma faiga faapaaga ma pulega o falemai a tagata maoli.