Search
Search
Komesina o Tineimū ma Faalavelave Faafuasei Tanuvasa Petone Mauga
Komesina o Tineimū ma Faalavelave Faafuasei Tanuvasa Petone Mauga

Pasia e le Palemene lipoti faaletausaga a le Pulega o Tineimu ma Faalavelave Faafuasei

Ua pasia nei e le Palemene le lipoti faaletausaga a le Pulega o Tineimu ma Faalavelave Faafuasei, ma i lea lava lipoti o loo faamauina ai le tulaga o faalavelave tau mu na tulai mai i le atunuu.

I le tausaga e 2017 – 2018 e 258 mu na tulai mai, 2018 – 2019 e 353 ae oo mai i le 2019 -2020 ua siitia i le 383.

Ma o loo atagia mai i ia faamaumauga e lē o iai se tuuitiitia o faalavelave tau mu e tulai mai i le atunuu.

Mai i ia faalavelave tau mu o loo aofia ai i totonu, mu o fale, mu e afua mai i le susunu o lapisi, o taavale e tulai mai ai ni mu ma mu o togavao.

Faaalia e le Komesina o le Pulega o Tineimu ma Faalavelave Faafuasei, Tanuvasa Petone Mauga e eseese lava mafuaaga o nisi o faalavelave tau mu, ae o le mafuaaga numera tasi lava lea ua faamauina ia latou lipoti e afua ai ona mu fale ona o le faaletonu i le eletise.

I le tulaga o le uaeaina o fale, ma na ta’ua e le Komesina i le faatalanoaga ma le TV1 o vaega uma nei e tatau ona malamalama iai le toatele i le mafuaaga e faamalosia ai le avatu o le tagata ua iai le agavaa ma iai le faatagana faaletulafono e faatinoa ia vaega uma ina ia mautinoa e lē tulai mai ni faalavelave e ono aafia ai le soifua.

Ae e ui i le siitia o le numera o faalavelave tau mu i le atunuu, e pau le itu lelei o loo maitauina e le pulega o le vave ona tineia o le mu ina ia aua ne’i aafia ai isi vaega o loo latalata ane i le nofoaga o loo mu.

Ta’ua e Tanuvasa o ia itu uma, ua galulue ai le Pulega ma ana paaga masani e aofia ai le ADRA, Pulega o le Eletise, o le Ofisa o Faalavelave Faafuasei e faatino faalauiloa i afioaga i tua i auala faigofie e latou te faia pe a tulai mai se mu.

O le fautuaga mai i le Komesina o le Pulega i le atunuu atoa, ia faamuamua le saogalemu ma ia manatua e sili lava le puipuia nai lo o le tau togafitia.

I le va o le tausaga e 2019 agai i le 2022 e silia ma le 400 faalavelave tau mu na tulai mai, ma e tasi lava le mu matuia na tulai i totonu o ia tausaga o le faalavelave lea na faatama’ia ai le Ofisa o le Pulefaatonu i Mulinuu.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required