Na faaleaga e leoleo i Papua Niu Kini ni fale i se nofoaga ua lipotia sa faatino ai le osofa’iga o se tamaitai ma fai faamalosi iai uiga matagā ma fasiotia ai.
Fai mai le leitio faavaomalo a Niu Sila o nisi o fale sa susunuina i le vaega lava lea i Port Moresby, ave ane ai ma masini e tuu uma ai i lalo nei fale.
Ua faia lea osofa’iga a leoleo i le mae’a o le faalavelave na ave faamalosia ai se tamaitai ma faatino iai ia uiga lē manuia ma faaoo iai le oti e se kegi pe ā ma le 30 tagata na iai.
Fai mai e lē o se taimi muamua lea ua tuua’ia ai tagata i lea faaitu i le faia o ia gaioiga ma o loo faia nei le su’esu’ega i lenei faalavelave ma ua valaau tagata ua tatau ona tuuina le sala oti i tagata e faamaonia na faataunuuina lea solitulafono.
Puna o Faamatalaga: https://www.rnz.co.nz/international/pacific-news/542074/png-police-demolish-settlement-after-gang-rape-and-killing-of-a-woman
