Ua palota Niu Sila mo se resolution e faia e Malo Aufaatasi e valaau ai ia Isaraelu ia faamuta loa lo latou iai faasolitulafono i totonu o teritori o Palesitina.
O le palota sa faia e le UN General Assembly e aofia ai atunuu e 124 na ioeina le faia o sea tulaga, 14 na tetee iai ma le 43 e lei palota.
Fai mai le Herald e ui i le to’atele o atunuu na palota e ioeina le faia o se resolution poo se tali atu a Malo Aufaatasi ae e to’atele atunuu o loo faifaimea faatasi ma Niu Sila faavaomalo, e lē o faia sa latou palota i lea mataupu, e aofia ai ma le Five Eyes lea e iai Amerika, UK, Kanata ma Ausetalia.
Sa faailoa e le minisita o le va i fafo a Niu Sila, Winston Peters o le palota e lagolago le resolution o se faailo lea o le lagolago malosi a Niu Sila mo tulafono faavaomalo.
Puna o Faamatalaga: https://www.nzherald.co.nz/nz/politics/new-zealand-breaks-with-five-eyes-partners-to-back-un-resolution-calling-israel-to-withdraw-from-settlements/FZE6ZOBOSRGZXMJXSWWXDJC224/
