Ua maea le palota ma ua mafuli le lagolago a le toatele o le aufaigaluega e faia solo tetee a le Kiwirail

O lea tetee o le a aafia ai faigamalaga a vaa feoai i le sami, faapea trains i vaega uma o le atunuu

Tala a le TV1 mai le 1504 palota na faia toeitiiti 95% o palota na ioeina le faia o le tetee, ao finauina ai le siitaga e 8% o totogi

Mai le iuni afai ae taunuu lenei tetee o le uluai taimi lea faatoa toe faia ai se tetee e aafia ai nei auaunaga i vaega uma o le atunuu talu mai le tausaga e 1994

Ua faailoa ai foi e le sui o le iuni o se faaiuga e le i mama ona faia, ma e le o fiafia le aufaigaluega aemaise o lea lava sa faigaluega i le taimi atoa na faia ai tapu o le Koviti i totonu o Niu Sila ona o auaunaga faapitoa, ma o loo fia vaai foi nei tagata galulue i le amanaia o lo latou sao

E le o mautinoa I le taimi nei se aso e faataunuuina ai lea tetee