I le vevesi o loo tula’i mai i Pakistan ua faailoa e leoleo na o latou tafana kasa faatagimata e faata’ape ai i latou e lagolago i le ta’ita’i sa iai muamua o le atunuu o Imran Khan lea o loo falepuipui i le taimi nei, e taofia ai ia tagata mai le ulufale atu i le laumua o le atunuu lea o loo feta’ua’ina ua faatulaga ai sa latou finau e tatala mai i tua lea alii.

Ua lipotia e fai si mamao o nofoaga na malaga ane ai le to’atele o i latou ia ma faapotopoto ai i Islamabad ma o latou teena sa tuuina ai e leoleo i vaega e faataga ona aga’i ane iai.

O le savali umi poo le long march sa faia a le vaega faaupufai a Imran Khan na faia tonu i le taimi o loo asiasi ane ai le Peresetene o Belarus o Alexander Lukashenko ma ua faamaonia mai e leoleo pe to’atasi se malu o le malo ua maliu ai ma isi o loo manunu’a ona o finauga ma ia tagata.

Ua silia ma le tausaga o falepuipui Khan ona o loo feagai ma le silia i le 150 o moliaga i soligatulafono na aafia ai ae o loo finau mai lana vaega faaupufai o mea uma faapolokiki ua afua ai ona faafalepuipui lo latou ta’ita’i.

Puna o Faamatalaga: https://edition.cnn.com/2024/11/25/asia/pakistan-imran-khan-protests-intl-latam/index.html