Ua faailoa mai le uluai paketi a le malo, ma mai le tele o tupe maua ma tupe faaitiitia, o tax cuts poo le faaitiitia o lafoga totogi lea e tusa ma le $14 piliona e tutasi ai.
O tax cuts nei na polomisi mai ai le pati a le National i taimi o faiga faatosina o le palota tele, ma o le tele o tupe o loo faatupe ai o loo toe maua lea mai tupe faasao mai auaunaga a le malo.
O se suiga o le a faasao mai ai le va o le $4 i le $40 i totonu o le lua vaiaso mo tagata galulue e i luga atu o le $14,000 totogi a o toe fetuutuunai ai tax thresholds poo le maualuga o tupe maua faatusa i le pasene e faaaogā e toesea mai ai lafoga totogi.
O tupe foi a tamaiti o loo maua e mātua o loo galulue, le Working for Families in work tax credit o le a sii i luga, ma e oo atu i le $50 i le lua vaiaso le isi tupe sau mo le tusa ma le 160,000 aiga o loo ausia le maualuga faatapulaa o tupe maua lea e ta’ua o low and middle income families.
O totonu lava o le package lenei o loo sau ai foi ma le childcare tax credit lea e mafai ona toe faatalosaga tupe na faaalu e totogi mo le vaaiga o fanau i aoga amata.
Mo le faafaigofie ona faitau o tupe faasao a tagata taitoatasi ma aiga mai le paketi na fofola mai ananafi, o loo iai le Budget calculator online.
Ae mo tax cuts, faato’ā toe faaitiitia lea o lafoga totogi mo tagata galulue i Niu Sila i totonu o le 14 tausaga.
Puna o Faamatalaga: Budget 2024 live updates: Tax cuts revealed worth $14 billion to tackle ‘prolonged cost-of-living crisis’, Kiwis with young families the big winners – NZ Herald
