O le afiafi nei e faataunuu ai le Pacific Music Awards poo Faailoga taualoa tau musika a le Pasefika mo le tausaga lenei 2022 mae to26 i latou ua faatutuina suafa mo ia faailoga i vaega eseese e 13 o loo tausinio ai.
Fai mai le leitio faavaomalo a Niu Sila o lea faamoemoe o le a faataunuuina i le Vodafone Events Center i Manukau ma o le uluai taimi lea ua toe faatino ai faatasi ma ni aumaimoa talu mai le lua tausaga talu ai sa faia ai i luga o upega tafailagi talu ai le faama’i.
Ta’ua e i latou o loo tuufaatasia le faamoemoe i le tausaga nei o le a faamanatuina ai tulaga ua ausia e le au fai musika a le Pasefika ma lo latou sao i le musika i Niu SIla nei, saunoa foi Petrina Togi Saena o le coordinator i le leitio faavaomalo o se avanoa e amanaia ai ma faafetaia taleni a tagata Pasefika.
O le a tauaao ai foi ma le Lifetime Achievement Award i le alii pese o le tusipese iloga foi a Samoa, Faanānā Jerome Grey.
