Otootoga o suiga o le laulau fou a le kapeneta

Ua maea fili le laulau a le kapeneta a Jacinda Ardern, ma e toa 7 minisita fou o le kapeneta ma le toa6 o le uluai taimi lea ua tuu atu iai tiute faaminisita

I se otootoga o suiga o le laulau fou ua folasia mai –

I le le manao ai o le sui taitai o le pati a le Leipa, Kelvin Davis e nofoia le nofoa sui palemia o lea ua sui palemia ai Grant Robertson

O loo tumau pea le tofiga o Davis o ia o le sui taitai o le faafaletui

Tumau pea Carmel Sepuloni I le minisita o le social development and employment, e pei ona iai I le 3 tausaga ua mavae

O Nanaia Mahuta, lea ua ia vaaia le matagaluega o le va I fafo, ma o ia foi o le uluai tamaitai I tototnu o NZ ua tofia I lea matagaluega

Dr Ayesha Verrall o lea faatoa sao mai I totonu o le palemene mo le uluai taimi, ao lea ua filifilia nei e avea ma minisita mo tagata matutua, sui minisita o le soifua maloloina, ma o se tasi e tele lona silafia I mataupu tau soifua maloloina

Chris Hipkins lea sa I le soifua maloloina lea ua avea ma minisita o le Covid-19 Response, minista o aoga ma tagata faigaluega a le malo

Lea ua se’e mai ai Andrew Little o le minisita o le soifua maloloina

Peeni Henare lea ua sao I totonu o le kapenta mo le soifua maloloina o Maori

Kris Faafoi tumau pea I le minisita o faamasinoga

I se otootoga o Minisita I fafo mai o le kapeneta

O lea ua sau I fafo Phil Twyford, ma ua ia vaaia nei laau malosi ma fetautaiga I fafo

O loo faatumauina pea Aupito William Sio, o le minista o faamasinoga ma tagata Pasefika

O fafo mai foi o le kapeneta lea o loo saofafai atu ai Marama Davidson ma James Shaw e pei ona nei le osiga feagaiga ua iai nei

O sui e toalua ua pau I lalo o laua tulaga I le tofiga o minisita o lenei paeaiga, o Phil Twyford lea ua minisita I fafo o le kapeneta, ma Jenny Salesa lea ua leai ni ona tiute faa-minisita

Saunoa le tamaitai palemia, o le faigamalo a le Leipa mo le isi tolu tausaga o I luma e 2 lava vaega o le a ave iai lana faamuamua, muamua, toe faaleleia le tamaoaiga o NZ mai faiga a le Koviti, ma le lona lua, faatumau pea le saogalemu ma puipuiga mai le Koviti

Keep uptodate with Radio Samoa activity & promotion

* indicates required