Ua pu’e e leoleo se alii i le mae’a o le osofaia o se tamaitai i fafo ane o se fale koleni, gym i Sini i le aso ananafi.

O leoleo na valaau ane i le kapaka i fafo ane o le Crunch Fitness i O’Riordan St i Alexandria poo le te’a o le ‘afa o le 12 na lipotia ane na tatui ai tulou sia tamaitai.

O le faamatalaga a leoleo ua ta’ua ai na logoina atu ia i latou o se alii pe ā ma le 40 tausaga ua feta’ua’ina lona tatui o le tamaitai 39 tausaga i lona ulu ma le pito i luga o lona tino.

Fai mai lipoti a le 9News o se naifi sa faaaogāina, na togafitia le tamaitai ma auina atu i le falemai ae fai mai le lipoti o le lata i le 8 i le taeao analeila na taunuu ane ai se alii 45 tausaga i le ofisa o leoleo i Dee Why ma pu’e ai loa e leoleo.

E talitonu leoleo e masani i laua e toalua o loo aofia i le mataupu ma e foliga o se osofaiga na fuafua lelei lava.

O loo feta’ua’ina foi e foliga o se mataupu tau sauaga i totonu o aiga ma nisi faamatalaga salatua sa fai se faigauo a le toalua lea mo sina taimi.

E molimau nisi na iai i le taimi o le faalavelave sa o latou fesoasoani i le tamaitai na aafia ma ave i totonu o le gym ma fai iai galuega tau fesoasoani muamua seia oo ina taunuu atu paramedics.

Puna o Faamatalaga: https://www.9news.com.au/national/woman-allegedly-stabbed-outside-of-gym-in-sydney/8dd20808-2d11-4d03-ac3d-e7d200505ae7