Search
Search
Photo Credit: NZ Herald

Osofai tagata a o iai i le mall faatau i Sini i Ausetalia

E toalima tamaitai ma le alii ua maliliu i le osofaiga na tatui (tulou) ai e se tasi o alii Ausetalia lava, ma na tupu i le aoauli o le Aso Toonai i le nofoaga faatau a le Westfield Bondi Junction i Sini.

Ua lipotia o le alii e 40 tausaga le matua o Joel Cauchi e faapea faatoa siitia atu i Sini i le masina talu ai mai Kuiniselani, o ia o lea na momoe atu i totonu o le mall ma le agaese ma faaoo manu’aga i nisi o tagata faatau.

E ese mai le toaono ua faamaonia ua fasiotia ai, e tusa ma le toasefululua isi tagata manunu’a e aofia ai ma le pepe 9 masina, ma o se alo e faasino i se tasi o tina o le toaono lea ua maliliu.

I lipoti a leoleo o loo faamaonia mai ai e tusa ma le toavalu o i latou o loo manunu’a o tina ma tamaitai, ma ua sau ai ma le fesili pe faamata na taulai osofaiga a le alii ia Cauchi lea foi ua maliu ina ua fana e le leoleo i lea lava aso, agai i le itupa o tamaitai.

O loo faasolo suesuega a leoleo i le taimi nei, ae i talaaga o le alii ia Cauchi o se tasi e iai aafiaga o lona mafaufau ma e iloa foi e leoleo.

I luga o le social media ananafi faatasi ma leoleo New South Wales, o loo faafetaia e le toatele le tamaitai leoleo e toatasi, Amy Scott lea lava na alu atu na o ia ma ia vave faamuta gaioiga lē alofa a lē na faia i totonu o le mall ua faasaoina mai ai isi soifua na semanu e lamatia atu ai.

O se tasi lenei o mall pisi i Sini aemaise lava i faaiuga o vaiaso ma e lei faigofie i tagata sa i le mall i lea taimi faapea aiga o i latou tagata e faigaluega ai.

Tala sili ona faitaulia

FAATALATALANOAGA

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

POLOKALAME A LEOLEO

Keep uptodate with Radio Samoa activity & promotion

* indicates required