O loo faagasolo suesuega a leoleo i Brisbane i le sailia o se tasi poo nisi na osofaia se tamaitai a o agai atu sana savaliga.

Fai mai leoleo o le auala o le Cockatoo Trail i Mt Coot-tha i le itu i Sisifo o le aai o Brisbane na maua ane ai lipoti o se tamaitai ua taumafai se tasi e faaoolima matagā iai ae pe ā ma le 20 ma ona tupu tausaga le matua.

O faamatalaga mai le lipoti e faapea sa unai e le tagata i le palapala ma taofi ai peitai na mafai ona sola ese sia tamaitai ae toe momo’e ese le tagata na osofaia.

E lei maua la e leoleo ma o loo faaauau le suesuega i le taimi nei ma fautuaina isi au savavali ia mataala ai.

Puna o Faamatalaga: https://www.9news.com.au/national/brisbane-mt-coottha-manhunt-underway-after-woman-escapes-attack/1447f9cd-e1ec-4012-bafb-5b11f3c15bfe