Ua faamautinoa mai e leoleo o se tagata sa faamaonia lona fasiotia o se tamaititi talavou i Sini, na faaoolima iai se tagata i le falepuipui i Lithgow ma maliu ai lava.
Na ta’ua e le 9News o Aymen Terkmani 31 tausaga sa tuli lona faasalaga e 33 tausaga i le falepuipui mo le fasiotia o se tama talavou i Sini, peitai na maliu i le aoauli ananafi i le falepuipui lava lea i Lithgow pe ā ma le 150km i le itu i Sisifo o Sini.
O loo ta’ua i le lipoti na tui e le tagata se’i tulou ma o loo faagasolo i le asō le su’esu’ega.
O le 2017 na lauina ai le i’uga o lē ua maliu i lona fasiotia o le tamaitiiti e 16 tausaga o Mahmoud Hrouk i le 2015.
Puna o Faamatalaga: https://www.9news.com.au/national/sydney-killer-aymen-terkmani-stabbed-to-death-in-prison/9a301209-2af9-463d-b3bc-e15e331684b2
