nz police

Osofai e leoleo le fale o le faifeau ma aveese se fana

O loo iai lipoti ile Stuff.co.nz ile vaiaso nei ua taua ai na osofaia e leoleo le fale o se tasi o faafeagaiga ile afiafi ao lumanai ai le tausaga fou, ma ua faia lea tulaga ina ia aveesea mai se fana ma utufana ina ua maua ane ni faamatalaga ua faapopoleina ai mo le saogalemu ose tasi.

O Carl Bromley na ia faavaeina le Life Connection Missionary Baptist Fellowship I Kalaiesetete ma ua taua ile lipoti na ia maua se feau na tuuina I lana voicemail atoaai ma se tusi I lana pusameli o loo faamatalaina ai ua ave e leoleo lana fana ma ua faia lea tulaga inaia tali ai I nisi o popolega e le talafeagai ona ia umia se laisene mo se fana.

Fai mai a ia I le lipoti na laga e leoleo lona fale I Avondale ma aveese ai le fana ma pulu. Faimai le faifeau e leai ni ona moliaga faasolitulafono poo ni faasea i aso ua tuanai e faasaga ia te ia ma fana ma e nate leiloa foi poo le a leisi faasea lea o loo taua mai nei ia te ia ua alai ona aveesea le fana mai lona fale.

E le o faailoaina mai e leoleo nisi faamatalaga faaopoopo e tusa o le mataupu ae I lalo o le vaega 18 o le Search and Surveillance Act e mafai ona ulufale leoleo I se fale o se tagata e aunoa ma se warrant ma aveesea ni auupega poo ni fana pe afai e masalomia ua solia ai aiaiga o le Arms Act.

Ia Aukuso o le tausaga talu ai e pei ona faailoa I lea lava lipoti na fesagai ai foi leoleo ma Bromley ona o le faia pea o lana sauniga lotu lea na solia ai tulafono ole koviti 19.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required