E ono tuai mai le moomia o tusipasi faamaonia mo tui aua faigamalaga faavaomalo ae vave totonu lava ia o Niu Sila
I le tali mai a le palemia Jacinda Ardern ananafi e ono moomia tusipasi nei ua taua o vaccine certificates e faamaonia ai ua uma tui aemaise lava I latou e agai atu I koneseti ma faatasiga tetele
O lea o loo faaauau pea galuega a le soifua maloloina ma le vaega o tiute e tuufaatasia le tusifolau o tui lea e aloaia ma faataga ai femalagaiga I le o atu I fafo ma le toe foi mai I Niu Sila
Ao lagolagoina ai e le toatele o tagata e iai le tomai faapitoa I suesuega o le faamai, ua sau ai foi ma le popolega o le ono aafia ai ma lagona o I latou e le mafai ona faia tui
Ae mai le faatonu o le soifua maloloina, Dr Ashley Bloomfield, e faamoemoe lava foi nei vaccine certificates I le maualuga o le fuainumera o tagata Kiwi e oo atu ua maea faia tui
