O loo iai tusitusiga ua faailoa i upega tafailagi i le atunuu ua faailoa ai popolega i se tulaga ogaoga e ono feagai ma Aotearoa pe afai ae tulai mai se mafuie malosi ma se galulolo e aofia ai le Hikurangi subduction zone, ma o se faaaliga lea mai ia i latou e popoto faapitoa i lea matata.

Fai mai a latou e ono oo atu i le faitau afe tagata e maliliu atoa ma nisi o le a leai ni fal ma e ono oo foi i le faitau piliona tupe e faaalu ai i le toe faaleleia.

O le feiloaiga a i latou i lea matata sa faia i Te Papa ua faatalanoa ai lamatiaga o iai nei mai mala faalenatura, o se fonotaga e faatupeina i lalo o le National Science Challenge.

Fai mai a latou e ono tulai mai se tulaga faapea poo taeao poo soo se taimi ae ao ona tapena.

Ua faailoa i le lipoti a le Newshub ua galulue nei le NEMA e tapena tulaga tau le puipuiga ma galulue faatasi ai ma isi ofisa ma faalapotopotoga e 50 e faia se handbook e faamalamalama ai mea e manaomia ona faatino ma tapena iai tagata pe a tulai mai se tulaga faapea.

Puna o Faamatalaga: https://www.newshub.co.nz/home/new-zealand/2024/05/it-could-happen-tomorrow-huge-quake-dangers-from-our-biggest-fault.html