O loo iai lipoti ua ta’ua ai le ono faasolo mai i Niu Sila nei o uiga louloua o le tau o loo aafia ai Sini i Niu Sa Uelese i le asō. O le itu i Matu ma le ogatotonu o Niu Sila lea o loo fetaua’ina e ono afaina ai.
O taeao o loo lipotia mai ai le ono aafia o le Tasman Sea i se vaega vaivai o uiga o le tau e aofia ai ma timuga.
O le a agai ia vaega louloua o le tau i le itu i Matu o le atunuu i le Aso Lulu ma faasolo ane ai i Saute i le Aso Tofi. Fai mai le vaaitau, Peter Little, o timuga tetele ia o le a ono aafia ai ma isi vaega o le atunuu i lologa. Ua fautuaina ai ma le atunuu femalagaa’i ina ia faaeteete.
