O tamaiti Ausetalia e ta’ilima tausaga ma lalo ifo le matutua e ono agavaa e maua se tuipuipui o le Koviti-19 i ni nai vaiaso o lumana’i nei. O se lipoti mai le SBS ua ta’ua ai e le minisita o le soifua mālōlōina o Mark Butler o loo iloilo nei e le TGA le talosaga mai le kamupani a le Moderna ina ia faataga le latou tui e tuuina i tamaiti mai le ono masina i le lima tausaga le matutua.  

Peitai fai mai Butler masalo pe ā ma se masina pe lua foi faato’ā amata faagasolo tui ia i tamaiti i lalo o le ta’i 5 tausaga le matutua.  O le faigamalo fou ua iai nei sa o latou faailoa foi i se taimi ua sola o le a faia se Komiti su’esu’e faapitoa i le tulaga o le tali atu a le atunuu i le faama’i ae lē o mafai ona tuuina mai e le minisita se taimi mautu o le a faatino ai lea tulaga.