Ua faia nei se suesuega ile faatulagana a le Ofisa o femalagaaiga a Niu Sila ina ia malamalama lelei ai I nisi o aafiaga tau le tamaoaiga ma isi mataupu e faatatau I le system. Ose faamatalaga lea mai le minisita o Tupe, Grant Robertson e pei ona lipotia I le televise tasi I le aso.
O le tele o meafesuiai ona ole koviti 19 ua tuuina ai ma le avanoa e taulai ai se suesuega I se vaega e taua tele I le maketi o galuega, o aganuu ma le sosaiete o tagata e pei ona faailoa e Robertson.
O le a faatulaga e taulai tonu lava I le polisi o femalagaaaiga ina ia faaleleia atili.
O le toatele o tagata malaga mai ile atunuu e solog lelei lava lo latou taunuu mai I le atunuu ma soifua lelei, penefiti ai o latou tagata ma aiga ma Niu Sila foi.
Latou te aumaia nisi o tomai ma silafia e taua, aemaise o taleni, le malamalama ma le poto masani, ae le gata I lea o sootaga faavaomalo aemaise faamanuiaga tau tupe ma isi.
Peitai e ao ona silafia e taua le malamalama lelei ile tulaga tau le tamaoaiga ma isi aafiaga ia Niu Sila ma le system o loo faaaogaina I le tulaga tau femalagaaiga.
Mo se faataitaiga o nisi o ofisa, kamupani ma nofoaga e faamoemoe tele I tagata malaga mai ma o latou tomai aemaise o le leipa e manaomia. Saunoa Kris Faafoi le minisita o femalagaaiga e faapea o le suesuega lenei o le a silasila ai ma le totoa ile immigration systemma o le a faalauiloa mai nisi o suiga o le a faia ile auaunaga I ni nai vaiaso o lumanai ai.
