Search

Ono faaaoga le tui puipui ole koviti 19 ia Mati 2021

E foliga mai e ono oo atu ia Mati ole tausaga fou ua amata faamatuu mai le tui puipui olekoviti 19 e pei ona faamaonia mai e le palemia o le atunuu Jacinta Adern.

Na ia taua o le taimi nei, ole tulaga lea o loo maitauina ae le o tagata uma o le a amata faaaogaina  le tui puipui I le taimi lea e tasi.  Fai mai le palemia e leai se me aua faamautuina I le taimi nei ma o loo galulue pea le malo ile faamautuina o lea tulaga.

O Frontline workers lea ua fuafua e ave iai le faamuamua pe a oo ile taimi e avanoa mai ai le tui puipui, sosoo ane ai ma I latou o loo I se tulaga maaleale e aofia ai tagata matutua maoli ma le pasefika.

O faamatalaga a Adern ua faia ina ua maea ona faalauiloa mai e Peretania le uluai tui puipui mai le Pfizer ma le Biontech e ono avanoa ile vaiaso o muamua. Ole aso 7 o Tesema lea ua faailoa e Peretania I o latou maota gasegase e ono oo atu ai kiliva ia I latou.

Sa faia talanoaga a le palemia ma le taitai o Siamani Angela Merkel ma le peresetene o Farani Emmanuel Macron, o loo fuafua Siamani e maua le ioega mo le tuipuipui ile ogatotonu o Tesema ao Farani o Ianuari.

Ua maea ona sainia maliega a Niu Sila ma kamupani a le Pfizer ma le Bio n Tech, Janssen Pharmaceutica ma le Covax facility mae o loo lipotia o nei maliega ole a mafai ona faamautu ai tui puipui mo le silia male afa o le faitau aofai o le atunuu.

Fai mai le palemia o soo se tuipuipui poo se vailaau e faaulufale mai I le maketi a niusila e tatau lava ona ioeina muamua e le Medsafe, tusa lava po ua ioeina e atunuu I fafo.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required