O se tamaitai mai Adelaide ua lipotia e ono avea o le tagata muamua e molia i lalo o tulafono fou a Ausetalia i Saute ua agai sa’o lava i tagata matutua e una’ia tamaiti e faatino soligatulafono.

O lea tamaitai e pei ona lipotia e le 9News e 34 tausaga mai Devon Park, na pu’eina faatasi ma ni tamaiti se to’alua o loo tuua’ia i le gaoi, 16 ma le 12 tausaga le matutua, e tele gaoiga na maua i meapu’eata o loo aofia ai.

O le isi gaoiga mulimuli o le Aso Sa talu ai na osofa’ia ai le Mitchell Park Pharmacy, aveesea mai ai tupe ma isi oloa.

Fai mai leoleo o le itu lē manuia o le aofia atu ai ma lea tamaitai o le tagata matua.

E lei leva nei ona pasia tulafono fou ia e aga’i sa’o i tagata faapea e fesoasoani i soligatulafono a tamaiti, pe latou te faaaogā foi tamaiti e faatino ai soligatulafono.

E lē o mafai ona tatala i tua ma o loo faatalia se faai’uga o le mataupu.

Puna o Faamatalaga: https://www.9news.com.au/national/south-australia-youth-crime-laws-three-robberies/40a19a73-7403-4a72-89ed-8cb80593089e