Ogaoga le tulaga ua iai Fiti ile koviti

Lipotia le faauau pea ona iai I se tulaga faapopoleina le faamai o le koviti 19 I Fiti. Taua I faamatalaga mai lipoti a le televise a Niu Sila o ananafi nna faamauina ai cases e 352 o le koviti ma isi tagata maliliu e toatolu. O le aso toonai na faamauina ai cases e 522.

Fai mai se faamatalaga o loo faatalitalia foi le siitia o le numera o cases I nai vaiaso o lumanai ai e pei ona faailoa e le failautusi o le Soifua Maloloina Dr James Fong, ma ua taua e ono oo ina oo atu I le 800 cases ile aso I Fiti.

Faailoa ile lipoti o le toatele o tagata o loo ise tulaga le lelei faaletamaoaiga ma o le taimi nei ua oo atu I le 5178 cases o loo iai I le atunuu ma ua tutumu maota gasegase, falemaliu ma nofoaga o gasegase tigaina aemaise nisi o falemai faaopoopo sa faia.

33 tagata ua maliliu ona o le vairusi, e 15 isi na maliliu foi I le koviti peitai e le o aofia ai ile numera lea ona sa iai nisi faaletonu tau le soifua maloloina na aafia ai foi.

O loo lipotia foi le faia pea o pati o inuga ava I le atunuu ma e foliga e le o tausia foi le tulaga I le va o tagata poo lel social distancing.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required