Ua faamaonia mai e le Matagaluega o le Soifua Maloloina le leai o se tasi mai le to’a 71 o le
atunuu lea na fai siaki ua maua i auga o le Koviti19.
O i latou ia na faanofoesea ma fai a latou suega ina ua masalomia le fesootai ma Ioane Ponifasio le taule’ale’a lea na sola ese ma le nofoaga na faanofoesea ai i Moamoa ina ua toe foi atu i Samoa mai Niu Sila. O faaiuga a suega a le
to’a 71 na maua atu i le faaiuga o le vaiaso ina ua maea aso e tolu na faanofoesea ai ma e leai se tasi o maua i auga.
Taua e se pepa o faamatalaga a le Matagaluega o le Soifua Maloloina o loo saogalemu tagata uma leai se tasi o maua i se auga ma o loo faaauau pea ona tulimatai e le Matagaluega i latou uma o loo faanofoesea e aofia ai tagata na latou fesootai ai (close contacts).
Faamaonia foi e le Matagaluega o pasese na taunuu atu i Samoa mai Niu Sila i le Aso 14 o Oketopa ma le malaga mai Ausetalia i el
Aso 15 o le masina lava lea ua maea ona fai siaki i le aso lona 7 talu ona faanofoesea e leai se tasi ua aafia i auga o le Koviti.
Ua fautuaina ai e le Soifua Maloloina le atunuu atoa e taua le to’a ma usitaia pea faituaga ma ripoti mai le Pulega aua lava le nofo saogalemu o le atunuu atoa.
