O le vaiaso fou o le a maua ai se iuga o le mataupu ia Pueleo Peseta

Ua tali lē sa faigaluega i le Ofisa o tiute e tali i moliaga o loo tuuaia ai i auina atu o le fualaau faasaina o le aisa i totonu o lea atunuu. 

O le vaiaso nei na tuuina atu ai ana molimau i luma o le faamasinoga i le taofia ai o ia i le masina o Fepuari ina ua maua e taifau faapitoa poo K9 nei fualaau faasaina. Taua e le alii ia Pueleo Peseta i le faamasinoga e tumau pea lana mau na te le’i silafia poo gafea tonu e aumai ai nei fualaau faasaina lea na taunuu i le atunuu i le tausaga nei ia Fepuari mai Amerika.

Na faailoa e le Sui Ofisa Sili o le Vaega o Felauaiga poo le Ports Operations ia Alvin Onesemo o pusa nei na maua ai nei fualaau faasaina na faatuatusi mai i le igoa o Pueleo Peseta.

Tali Peseta na tuu atu ana molimau(evidence) na ia telefoni atu ia te ia le tagata e igoa ia Edward o le Transam Shipping Agentve agai atu i le latou Ofisa e piki ma totogi le faamomoli. Na ia taua o lea lava aso na agai ai i le Transam ma totogi le $94.00 ia Sio o lea lava Ofisa. Na ia tautino e le’i fesili i le igoa o le tagata na auina atu ai lenei faamomoli ona o loo tālia foi se isi faamomoli o le vaega o lana taavale mai Niu Sila ma ia faapea ai o le faamomoli lea.

Na faailoa i le faamasinoga o le igoa o lē na auina mai ai le faamomoli o Siaosi Mataio ma na taua foi e Pueleo na te lē iloa se tasi e iai lea igoa. O le faamalamalamaga a Pueleo o loo tumau pea i lona manatu o lana lava ia talitonuga o le faamomoli lea na faafesootai atu ai le Transam ia te ia o le afi (engine) o lana taavale lea na faatali e tuuina atu e lana feleni o loo i Niu Sila ia AJ Salevea, na faanatinati i lea aso na saini ai le faamomoli ma na te le’i tilotilo foi i le risiti, peitai ina ua ia valaau ia AJ e faafetai ai mo le afi o lana taavale na faailoa ai e lea alii o loo i totonu lava o le uafu a Niu Sila le afi e le’i tuua mo Samoa.

O le taimi lea faatoa siaki ai loa e Pueleo le risiti ma vaaia ai o le igoa Leo Paseta mai Vailele o loo tusia ai ae le’o o lona igoa. 

Peitai na taua e nisi o molimau e le’i faailoa atu e Pueleo o loo faatali se afi o lana taavale pau lana tala i le aufaigaluega o lae faatali lana faamomoli. Taua foi e sui o le Tiute ia Esera i le faamasinoga ma fesili atu Pueleo Peseta ia te ia poo fea e galulue ai taifau K-9 i le vaiaso lava lea. Na teena uma e Pueleo nei molimau.

Taua foi e Pueleo i le faamasinoga i le Aso 2 o Fepuari 2021 na aami ai o ia no se fonotaga ma le Pulega a le aufaigaluega ma fesiligia ai o ia e le Sui Ofisa Sili ia Alvin Onesemo pe na ona iloa le igoa sa faatuatusi mai ai le faamomoli, na ia tali atu ai e leai, toe fesili Alvin pe aisea na ia totogi ai le tupe i oe Transam, na te le’i tali i lea fesili ae na talosaga i sana loia.

Na faailoa foi na valaau leoleo i lea lava aso ma agai atu tatala le faamomoli, na ia fesiligia malu o le Mālō pe aisea e tatala ai fua le pusa e le’o sa’u pusa “Why should you open the box, it is not my box”.

Faaauau lenei mataupu lea na amata fofoga i le vaiaso na tea nei ma na fofogaina i luma o le afioga i le faamasino ia Loau Donald Kerslake o le faamasinoga faaitumalo. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required