O le 40% o tausi soifua o loo lesitala i totonu o Niu Sila, o tausi soifua mai atunuu mamao.

O se maualuga tele lea, peitai mai le sosaiete o tausi soifua e moomia lava le lava o le fesoasoani mo fanau aoga o loo aotauina i totonu o Niu Sila i le matata o le faafomai, ona o le mafuaaga lea o le toe faavaivai o isi.

Molimau lea a le peresetene o le asosi, Anne Daniels, lea na ia ta’ua o tulaga tau tupe lava le faafitauli tele mo fanau aoga o loo aooga faatausi soifua i totonu o Niu Sila poo i latou nei e galulue e aunoa ma ni totogi i taimi o loo faataitai ai i tua i falemai.

Ae i fanau nei e aooga faafomai ae e lē uma, o loo maualuga ai lava le pasene o fanau aooga Pasefika ma Maori, mafua lea i le leai o se tupe maua i taimi o loo o ai i tua e faataitai galuega.

A o maualuga ai la ma le tau o le soifuaga i totonu o Niu Sila, faatusa i tupe maua e iai nisi o fanau aoga ua fai mai e na ona pasi lava o le suega i Niu Sila ae agai i Ausetalia e lelei atu totogi.