Search
Search
Photo Credit: NZ Herald YouTube

‘O le tapunia o le Newshub, o se lamatiaga i le faatemokalasi a Niu Sila’…..Sui Palemia, Hon Winston Peters

Faaleo se atugaluga o le Sui Palemia, Hon Winston Peters, i luga o le ‘woke media’ i le tapunia ai o le vaega o talafou a le TV3, le Hewshub.

Saunoa Peters, o le faamuta ai o lenei auaunaga, o se lamatiaga lea mo le faatemokalasi a Niu Sila; ma o lona popolega ona o lea o le a leai se isi auaunaga tutoatasi mo le faapaleniina o faasalalauga o loo faia e le malo i luga o le alaleo/alaata a le malo.

Saunoa foi le tamaitai Minisita o Faasalalauga, Melissa Lee, o se faanoanoaga le tala ua oo mai, ae foliga o suiga lava a le Warner Bros Discovery ona ua lē o tulaga lelei mai se alafua na faatulaga ai lea auaunaga.

E oo atu i le 300 tagata faigaluega e ono le toe iai ni galuega i le ogatotonu o le tausaga nei, pe afai ae aloaia le faaiuga a le Warner Bros Discovery o le a tapunia le vaega o tala fou, le Newshub.

O le faaiuga o le masina o Iuni lea ua fai mai o le a tapunia ai, ma o le tala faanoanoa na fofola mai ananafi i le fonotaga ma le aufaigaluega.

E oo atu i le 350 tagata faigaluega i le Warner Bros Discovery i Niu Sila nei, ma o lea aofai o loo iai le tusa ma le 200 o tagata e galulue faapitoa lava i tala fou.

Ua lipotia mai o se fuafuaga ua faia a o vaavaai le pulega e agai i faiga e tele ina faalagolago ai i tomai faatekonolosi ma o se faaiuga ua fai mai le Warner Brothers Discovery e lei faigofie.

E oo mai i le taimi e tuufaatasia tala fou e lē o mautinoa pe o le a faapefea nei le lumanai o polokalame faapea tala fou o loo ofoina mai e le auaunaga.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required