O le a mauaina e mātua o tamaiti o loo aooga i aoga a le setete o Vitoria, se peimeni e $400 mo mea e fia faatau mo le aoga, o se vaega lea o le tala faatatau o le tupe a lea setete lea ua feta’ua’ina e faailoa aloaia i le asō.
O le peimeni ua fuafua e fesoasoani e faamāmā avega ai i le tau o le soifuaga ma e agavaa foi iai i latou e umia concession cards.
Ua faailoa e le ABC e silia ma le 700 afe tamaiti aoga o le a agavaa o latou mātua e maua lea peimeni ma e oo atu i le 287 miliona e faatupe ai lea faamoemoe.
Fai mai le malo o le tupe o le a faaagaga mo mea mo le aoga e aofia ai togiga, camps a le aoga, polokalame fai tau taaloga aemaise nisi o ana polokalame e faia i fafo mai o potu aoga.
E lē mafai ona faaaogā mo pili aoga poo ni faatauga a le aiga.
Puna o Faamatalaga: https://www.abc.net.au/news/2024-05-07/victoria-budget-preview/103812708
