O lea ua faamaonia o le a mafai e tagata Aukilani ona feoai ma kolosia ona tuaoi o loo iai nei I le taimi o le Kerisimasi

O le faamaoniga lea mai le tamaitai palemia Jacinda Ardern ananafi, peitai pe faafefea ona tupu ao afea foi, e le o manino

I fesili ma tali a Jack Tame na faailoa ai e le palemia, e le o faigofie ma o loo faia pea faatalanoaga ma iloiloga I le taimi nei

Na ia taua foi o le ausia o le 90% o tagata uma tui e lua I totonu o Aukilani o le a faafaigofie ai lea tapenaga

O Aukilani o lea lava ua savali le tolu masina o faatapulaa le soona feoai atu I tua I ona tuaoi, ma o le faamaoniga mai ia Jacinda ananafi ua sau ai e ui I le eseese o finagalo faaalia I le vaiaso talu ai

O lea foi na ataata mai I tala I le vaiaso ua alu e ono feoai na o tagata ua uma tui, peitai e le I mautu lea faaiuga