E manatu i latou e tele le silafia i mataupu tau taavale e oo atu i le tausaga 2030 ua feoai taavale ae leai se avetaavale e faafoeina, i luga o auala o Ausetalia, muamua i magaala i le faaitu o Mt Isa i lalo o le poloketi e faaigoa o le ZOE2 ma o le a iloa ai foi pe ua talafeagai mo alatetele ma faailo o iai i le taimi nei.

O le faamatalaga mai le Queensland Transport ua faailoa ai ua leva ona sauni Ausetalia mo ituaiga taavale ia i le fā tausaga talu ai ma o ni faiga fou foi ma le tekonolosi faaonaponei.

Ua mae’a foi ona faapolokalameina ia taavale ina ia matuai saogalemu mo le faataitaiga.

E eseese foi finagalo faaalia o tagata i lenei mataupu, fai mai isi e fiafia lava latou i taavale o iai nei e faafoe e tagata ae manatu nisi e lelei foi lea faiga ua tatau foi ona faamasani iai i le tulaga ua oo iai le saosaoa o faiga faatekonolosi ua iai nei le lalolagi.

Puna o Faamatalaga: https://www.9news.com.au/national/australia-trials-self-driving-cars-in-regional-queensland/bd24cfca-7da4-48d7-ac93-0f97a8def123