Nofo I le falepuipui le tama na ia gaoia fale o aiga faapea se tasi o faleaoga I taimi na faaleagaina ai e le afa o Gabrielle.
46 tausaga o Benjamin Mark Sorensen o lea ua ia ioeina moliaga o le talepe fale ma le gaoi e pei ona tulai ai I luma o le faamasinoga ananafi i Napier.
Ao tigaina ai aiga na faaleagaina fale e le afa I le masina o Fepuari ma aveesea mai fale ona ua le toe saogalemu I se nofo, o le ula lea e toe foi atu tagata I o latou fale ua gaoia le tele o meatotino ma I tala mai le faamasinoga na toe maua uma e leoleo meatotino gaoi nei mai le fale o Benjamin.
E iai nisi o fale o aiga e faapea na alu faalua iai.
Ese mai fale o aiga o lea foi na alu I faleaoga o le Eastern Institute of Technology I Taradale ao tapunia ai le aoga ona o le afa ma ia gaoia masini komepiuta ma uila.
O loo taofia pea nei I lalo o vaavaaiga a leoleo talia le aso e lau ai lona iuga I le masina o Novema.
