Ua faamaonia mai e le Health NZ ma lipotia e le RNZ e to’atolu isi ua aafia i le misela, e to’alua i Aukilani ma le to’atasi mai Ueligitone ma ua atoa ai le to’a 35 ua aafia i le misela i Niu Sila i le taimi nei.
O se tasi o nofoaga ua lipotia le iai o se sootaga i gasegase fou ua faamauina, o Queensgate mall i Lower Hutt atoa ma isi nofoaga i le va o Canterbury ma Queenstown e aofia ai le Chemist Warehouse i Riccarton ma le Fairlie Bakehouse ma se tasi nofoaga i Mt Cook.
O loo iai le lisi o nofoaga uma na aga’i iai i latou ua aafia i le misela e ao ona silafia ma faaeteete iai.
Puna o Faamatalaga: https://www.rnz.co.nz/news/national/582558/three-new-measles-cases-two-in-auckland-and-one-in-wellington-health-new-zealand-says
