O le taeao nei Aso 30 o Iuni 2021 ua faamanino mai ai nisi o iuga o tagi o le faigapalota e pei o le mataupu i le va o le sui manumalo a le iutmalo o Faleata 1 le afioga ia Manuleleua Paletasala o le FAST ma le sui tauva o le HRPP le afioga ia Salausa John Ah Ching.
O le iuga o lea mataupu ua faaleaogaina ai e le faamasinoga tuuaiga na faia e Salausa faasaga ia Manuleleua ma tumau ai le tulai mai o Manuleleua i le tofi o Faleata No.1 ma manino ai le avea ma sui o le palemene.
Peitai i le isi mataupu i le nofoa o le Itumalo Aana Alofi No.4 lea ua toe faaui ai tua le tagi o le faigapalota a le sui o le HRPP le afioga ia Afamasaga Rico Tupai na faia faasaga i le sui manumalo filifilia a le FAST ia Toeolesulusulu Cedric Schuster ma mautinoa ai le avea o Toeolesulusulu ma faipule o le Aaana Alofi No.4 faatasi mai o se sui o le Palemene lona 17 o Samoa.
