Ua faamaonia mai e negative siaki o le tagata na asia le fale faamasino I Hamiltone ananafi
O le itula e 10 I le taeao agai I le afa o le 11 lea na tapunia faatopetope ai le fale faamasino ina ua maua ripoti I se tasi o tagata sa I lea nofoaga na masalomia e maua I le Koviti
E oo atu I le 50 I latou e fesootai ma le na faia lona siaki ma ua faatonuina uma e le moomia le faanofoesea
I ripoti a le leitio a Niu Sila na tapunia ai le fale faamasino mo le aso atoa ananafi ae faamama e tusa ma taiala mai le matagaluega o le soifua maloloina
Ua fautuaina e le matagaluega o faamasinoga I latou e le o malosi lelei e aua nei asia lotoa o le fale faamasino, atoa ai ma le faaaoga o le Covid Tracer app
