E na o le 15 tausaga o le tamaititi ua molia i le gaoi i le mae’a o lipoti ua feta’ua’ina ai sa ia osofaia se pamu penisini ma faasiilima le aufaigaluega i le pamu lea i le Northern Beaches i Sini. 

O le 15 tausaga lea sa ia ulufale i le pamu penisini i le The Strand i le faaitu o Dee Why ma sa ia te ia se fana ma fai lana matapulepule, fai mai na sola ese ma tupe mai le pamu ae o le aso ananafi la na fai ai tuliga ma leoleo i le faaitu o Cromer e latalata ane lava i le vaega lea sa ia osofaia, ma pue ai loa e leoleo.

I le mae’a o sina taimi na maua ai lea alii talavou e leoleo ma le fesoasoani a nisi e aumau i lea faaitu, ma e ta’ua sa maua atu lava iai ma tupe.

Ua molia nei ma taofia e leoleo ae elei maua le auupega na ia faaaogaina i lana osofaiga.