I le faataunuuina ai o le malaga faavaomalo a lana Afioga i le Ao Mamalu o le Malo, Tuimalealiifano Vaaleto’a Suālauvi II ma le masiofo Faamausili Leinafo Tuimalealiifano i Niu Sila nei, na mafai ai foi ona talimalo ai le tapaau o le Iunivesite o Aukilani (AUT) le alii polofesa ia Toeolesulusulu Damon Salesa, ma le Iunivesite i le Aso Faraile na se’i mavae atu nei.
I lipoti, na faailo ai e le alii polofesa ia Toeolesulusulu, o se taligamalo aupito i tāua lea mo i latou uma na auai aemaise le Iunivesite.
Ta’ua e Toeolesulusulu, o se taimi tāua lea mo fanau aoga o le iunivesite e fefaasoaa’i ai ma lana afioga i le Ao Mamalu o le Malo, ma na faaalia ai foi e fanau aoga lo latou foi agaga faafetai mo le avanoa.
Ua faamauina i lipoti o le tausaga 2017 sa faapea ona uluai malaga mai ai i Niu Sila lana afioga ia Tuimalealiifano i se malaga faalemalo ina ua ia seei mai e avea ma Ao Mamalu o le Malo o Samoa, ma sa faapena ona mafuta atu ai lana afioga ma nisi o sui o fanau aoga o le iunivesite o lena taimi, o sui na aooga faasikolasipi a le Komisi o Galuega a le Malo o Samoa (Samoa Public Service Commission Scholars) e aofia ai tagatanuu Samoa ma Niu Sila, faapea foi ma sui o Samoa na maua avanoa i le Polokalame faasikolasipi o le Manaaki Scholarship.
Na faasoa foi le tapaau o le Iunivesite (AUT) i le telē o le aogā ma le tāua o ia sootaga aemaise i matagaluega, o le ofisa o le va-i-fafo ma paaga faavaomalo.
Ua o latou tulimata’ia le sao o le Manaaki a le AUT e saga faatupula’ia ai le maoa’e o taumafaiga a le Iunivesite.
