E 300 afe tala o loo nofo aitalafu ai i le pulega o uafu a Samoa, le kamupani faifaiva o le Deep Sea mai Saina e ana vaa fagota ua faaumatia i le malaia poo le afi a o taula i le uafu i Salelologa.
Ua faailoa lea aitalafu e le Minisita o pulega o uafu le Samoa Ports Authority le tofa Olo Fiti Vaai ina ua maua iai se fesoota’iga i le po anapo, sa tāpā ai sona finagalo e tusa o ia vaa fagota o loo taula i le uafu i Salelologa.
Faaalia e le minisita o le faamatalaga ua oo atu i lona ofisa, ua gau pe bankrupt le kamupani Saina e ana ia vaa fagota, ae na mafua ona ave taula i Salelologa ona sa faaavanoa le uafu tele i Apia mo le meli tele na faaaogā i le taligamalo o le Fono a Malo o le Taupulega.
Se talanoaga ma le Minisita o Fela’ua’iga ma Galuega Tetele e aofia ai le pulega o uafu le tofa Olo Fiti Vaai.
E auina atu lenei lipoti e le’i faamautūina mai pe fia ni vaa fagota na aafia i le faalavelave tau mu i le uafu i Salelologa.
