O se tasi taulaga o Kuiniselani e i le tuaoi ma Niu Sa Uelese lea ua sasao ane ai le afi i togavao ma ua aveesea mai ai tagata e aumau lalata atu iai.
Mai lava i le po anapo sa mata’itū ai e leoleo ma le tineimu le afi lea i Dirranbandi.
O loo fesoasoani leoleo i aiga mai le taulaga lea e tusa ma le 6 itula i le itu i Saute i Sisifo o Brisbane ma ua lapata’ia e le tineimu tagata e lē saogalemu le toe foi ane i le nofoaga ua oo iai le sasao a le afi.
O loo faaauau pea ona taumafai le tineimu e tapē le afi ua motusia ai ma le eletise i lea faaitu ina ua faatama’ia pou eletise i le afi.
O loo iai lapata’iga o le isi vaega o le Castlereagh Highway i Saint George o loo poloka foi ona o le afi.
Pe ā ma le 600 tagata e aumau i le pitonuu lea o Dirranbandi e fua i le tusigaigoa o le 2021.
Puna o Faamatalaga: https://www.9news.com.au/national/queensland-town-dirranbandi-evacuated-bushfire-threat/7a646e2f-5eab-4217-958a-c435784f4441
