Search
Search
Photo: 1News

Mu le fale maliliu ai le toalua ae aveina atu le isi i le falemai

E toalua tagata ua lipotia ua maliliu ina ua mu se fale i Manurewa atoa ma le isi tagata na aveina atu i le falemai.

Na lipotia e le One News o leoleo ma paramedics na taunuu atu i le nofoaga o le fale lea i Freshney Place i Hillpark poo le te’a o le ta o le fitu i le taeao ananafi.

Na saunoa ai le sui taitai o le ofisa o le tineimu, Brendan Irwin e toalua tagata ua faamaonia ua maliliu ma le isi ua aveina atu i le falemai i Midddlemore mo togafitiga.

Jonathan Asafo na ia muai iloa le fale na mu ma fesoasoani e laveai le tagata e toatasi na faasaoina. Photo credit: NZHERALD.CO.NZ

O le tamā talavou ia Jonathan Asafo, e lē mamao tele lona fale mai le fale lea na mu, o ia lea na muai iloa le faalavelave ina ua agai atu lana taavale e momoli lona atalii i le aoga amata, ae ia vaaia ai le fale lenei o loo sasao ane ai le afi.

O Asafo lea na afe ma faae’e le pu o lana taavale e taumafai e fafagu ai ni tagata sa i totonu, ma ala mai ai i fafo le toatasi lea ua mafai ona faasaoina lona ola, ma latou taumafai ai e tulei mai i fafo se taavale sa paka i le drive way a o le’i apo mai e le afi.

Ta’ua i le lipoti e toatolu isi tagata e nonofo ai i le fale e lē o maua ma o loo faia nei le galuega a le tineimu.

Fai mai Irwin o loo sailia le mafuaaga o lea afi ma o se taimi faigata mo si aiga ua aafia aemaise foi le aufaigaluega a le fuimu.

E lē o faamaonia maia i le lipoti pe aiga uma tagata e toatolu ua aafia.

Ua talosaga leoleo i tagata ia taofia le agai atu i lea nofoaga.

Faaigoa alii e toalua ua maliliu mai le mu

I lipoti a le 1News i le asō o loo faailoa ai ata ma suafa o alii e toalua ua maliliu mai le faalavelave lea o le mu o le fale i Freshney Place i Hillpark i le taeao ananafi.

O Kiwa Ropitini-Fairburn, 25 tausaga ma Tony Marsters, 24 tausaga o i laua nei faatasi ma le alii ua faasaoina lona ola mai le afi, o i latou uma nei e toatolu o ni uo ma e nonofo faatasi ai i le fale lea ua faatama’ia i le malaia.

Photo: 1News

Tala sili ona faitaulia

TALA MAI NIU SILA

SAMOA UPDATE

PODCASTS

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required