Ua tauau ina lē mafai e foodbanks ona tali le tele o le manao ma ua moomia ai le fesoasoani a le malo.

O le molimau lea a se tasi o loo taulamua i fesoasoani nei i tagata o le komiuniti, Dave Letele.

I totonu o le vaiaso talu ai, toeititi ausia le tasi le afe food parcels sa tufatufaina atu i tagata o le komiuniti, ma o le finagalo o Letele o le pese lava foi lea e tasi a Steve Price o le Community Support Waitakere.

Fai mai Price e lē o faigofie ona o lea e lē o toe maua fesoasoani na maua i taimi o le Koviti mai le malo, peitai o lea o loo alualu pea i luga le tele o le manao mai tagata lautele.

Ua faatalosagaina ai e Price le tatau i le malo ona faia se fuafuaga ona o lea e pei e foliga mai ua tautuua’i solo le ola mativa ae o lea e lē o lava se tupe o tuuina mai i foodbanks e faia ai le auaunaga.

E iai foodbanks ua faamauina o loo faatupulaia pea i le 40% i tausaga taitasi le tele o le manaoga o tagata i itu tau meaai.