Ana faaauau pea ona faaaogā e le Council auaunaga a le kamupani sikulati, semanu e lē tigaina tele le tamaitai talavou lea na fasi i le falefaatali pasi.
O lipoti nei ua toe alia’e a o suesue ai le faaoogalima lea ua tigaina ai le tamaitai 13 tausaga a o faatali ai lana pasi i fafo ane o le faletusi i le taulaga i Rotorua.
A o lei tupu le faaoolima lenei i le Aso Lua, o le tolu vaiaso talu ai na faatonuina ai e le Council a Rotorua le kamupani sa ia leoleoina nofoaga faitele nei, Watchdog Security e lē toe moomiaina ana sikulati ma ua faamaonia mai foi e le Council e moni o lea ua faamuta le konekarate ma le kamupani sikulati.
O le falefaatali pasi lenei ua lipotia le lauiloa i fusuaga aemaise lava i le va o fanau aoga.
O lea ua toe vaavaai le Council e toe aumai sikulati ma ua faatalosagaina ai foi le fesoasoani a le malo e ala i le faaopoopo o leoleoga a leoleo i Rotorua.
Comments
Loading comments…