13 tausaga le matua o le atalii ia Junior Tofa o loo moomia le fesoasoani mo taotoga o lona fatu ona o aafiaga mafua mai I le fiva rumatika
O le faaiuga o le tausaga e 2019 na malaga mai ai Junior I Niu Sila nei mai Samoa e asiasi mai I aiga, peitai ona o le Koviti I le amataga o le tausaga e 2020 na le mafai ai ona toe foi
Mulimuli ane I le tausaga talu ai faatoa maua I siaki na faia ua aafia lona fatu ona o le fiva rumatika
Ona e le o nofomau le atalii o loo faamautu nei I Otara I Aukilani, o lea e leai ma se fesoasoani mai le malo o Niu Sila e mafai ona agavaa pe fesoasoani ai I lona taotoga
Tuu atu foi I fesoasoani a le soifua maloloina I Samoa, e le o iai foi se tali ona o lea e maua Junior I le ma’i o loo I fafo ma le atunuu
O lea ua faia faapitoa ai se sailiga seleni I luga o le Givealittle page e fesoasoani ai ia Junior, ma e tatau ona faia lona taotoga e le I ta le Kerisimasi
Tuufaatasia tala fou ua silia ma le 640 Samaria agalelei ua foaia le silia ma le $55,000 mo Junior I totonu o le tolu aso, ma e $65,000 le tupe o loo sailia mo lona taotoga
