Momoli se fe’au mo Samoa i suau’u mai loimata o le faatusa o Maria

O le Aso Toonai o lenei vaiaso o le a faia ai saunigalotu i Malumalu o Matagaluega a le Ekalesia Katoliko i Samoa o le a osia ai le taulaga o le misasa paia ona o se avea’i mai le faauluuluga o le ekalesia o le Puleaga Faaakiepikopō a Samoa Apia, le afioga Alapati Lui Mata’eliga.

O lea avea’i e ala i se tusi o loo faatāua ai e le Aki Epikopō se fe’au mo Samoa atoa ua momoli mai i ni faaaliga e ala i suau’u o loimata o faatusa o le Tina Paia o Maria sa vaaia i Mapuifagalele, o Aleisa ma Leauvaa.

O ia faaaliga e pei ona faaalia i le tusi o se fe’au tāua o le faatalaleleiga o le ekalesia ma Samoa aoao. Ua talosagaina ai e le Aki Epikopō ositaulaga, o Tiakono ma Fesoasoani ia faia anapogi mai le ono i le taeao e oo i le 3 o le afiafi o le Aso Toonai ma faia ai foi sauniga o le misasa paia ma tulivae ai i luma o le Atua silisili ese ma talosia le atunuu.

E pei ona faaalia ai e le faauluuluga o le ekalesia Katoliko o le Puleaga Faaakiepikopō a Samoa Apia i lana tusi i ositaulaga ma isi tofiga uma o le ekalesia, e iai tua patatua o le fe’au mai le tina o Maria pe a lē faataunuuina. E 8 aso o le a pogisa atoa ai Samoa, 8 aso e lūlū ai mafui’e i Samoa ma le 8 aso e tutupu ai ni faama’i e lē maua ni fofo. O le tuualalo a le Aki Epikopō i le aufaigaluega ositaulaga ia amanaia ma faatāua le fe’au ua momoli mai e ala i nisi e lē amanaia ma foliga e faatauvaa, ona o le finagalo o le Matai Sili e ala eseese mai. 

Scroll to Top

Keep uptodate with Radio Samoa activity & promotion

* indicates required