Ua fautuaina e le faamasinoga loia a leoleo e toe taga’i ia latou moliaga faasaga i se tinā ma sona atalii 14 tausaga le matua, ona ua molia uma i la’ua i le solitulafono o le avetaavale faatamala ua māfua ai le maliu poo le negligent driving causing death, ae o le itu mautinoa e to’atasi na aveina le taavale.
Ua fautuaina ai loia a leoleo e toe silasila i le moliaga ona toe tuuina atu lea o le latou tapenaga i le Aso Gafua a sau.
O le faalavelave o loo molia ai le tinā ma lona atalii sa tupu i Savaii lea e faapea na pa’ū ese mai ai i le taavale se tagata ma māfua ai ona maliu.
