Toalua tagata faigaluega I auaunaga taua na maua ma le 2kg o cannabis ina ua kolosia tuaoi o Aukilani
O lea ua molia e leoleo le 36 ma le 52 tausaga le matutua ina ua faatu e leoleo I le aoauli o le Aso Sa I le poloka na faia I Mercer I Aukilani I saute ma o loo agai e o I saute
O nei tagata faigaluega sa umia uma exemption notices poo faatagana e mafai ai ona kolosia tuaoi o Aukilani ona o auaunaga taua, peitai o le nanamu o laau faasaina sau mai totonu o le la taavale na toe maua ai
O le aso ananafi na tutulai ai I laua nei I luma o le faamasinoga
Ae I se tala mai I poloka a leoleo o loo faia pea I tuaoi o Aukilani e le gata o le agai I matu ae faapea saute, e oo mai I le afiafi o le Aso Sa ua 71 I latou ua molia e leoleo ma ua silia ma le 840 taavale toe faafoi aofia ai le 137 na teena I totonu o le Aso Sa faatoa uma atu
