E 11 tausaga o se teineititi mai Faleula na taofia i le falemai mo le lua aso mulimuli ane uma lona ola ona o se faalavelave tau taavale na tulai mai i lea afioaga i le amataga o le vaiaso.

O lenei faalavelave na ripotia mai e faapea na so’a e le taavale lea teineititi ina ua oso i lalo o le pasi ma kolosi ai i le isi itu o le auala. Taua e le ave taavale na te le’i iloaina le kolosi o le teineititi i luma o le pasi.

Na faamaonia e leoleo e faanatinati atu ai i e falemai mo se fesoasoani ma taofia ai i le potu tigaiga peitai o le maea ai o aso e lua i le falemai ae uma loa lona ola.

Taua e sui o le ofisa o leoleo i ripoti ua tele ina tulai mai soo faalavelave tau taavale e aafia ai fanau laiti ma tupulaga talavou. Na fautaina ai foi e leoleo le mamalu o le atunuu aemaise ave taavale ina ia mataala i taimi uma.

O se aso o le masina nei o le a tulai ai le ave taavale i luma o le faamasinoga e tlai moliaga o le ave taavale faatamala ua afua ai le maliu.