E 39 tausaga o se tama na tulai i luma o le faamasinoga maualuga le amataga o le vaiaso e tali i moliaga o le faiga o uiga mataga i sona tei (grand niece).

O lē na aafia na taua e le faamasinoga e i lalo o le 16 tausaga le matua ma e Leo mafai ona faailoa le igoa o lē na faia uiga mataga ona o puipuiga o lē na aafia.

Taua i le faamasinoga o lē o loo molia ma tuuaia na ia faia ni uiga mataga i lea teineititi i le masina o Tesema 2020 i se nuu i le motu tele i Salafai. Na ripotia mai e fa vaega eseese i lea lava masina na fai ai e lea tāmā nei uiga mataga i le teineititi.

Na talosaga le Loia o loo tulai mo lē o loo tuuaia nei i le faamasinoga maualuga ina ia tolopo le mataupu seia saili uma vaega o ripoti ma tuuaiga o loo tuuaia lea tāmā.

Na faatonuina ai e le faamasinoga ina toe ave lē ua molia e taofia seia oo ina fai lana faamasinoga mo le ono tatala o ia i tua (bail hearing) lea ua fuafua mo le vaiaso fou e faatali ai lona faamasinoga.