Ua tulai I luma o le faamasinoga le talavou o loo fetauaina sa ia tafana tagata e toatolu I le ogatotonu o le aai o Aukilani I le aso toonai na tea nei. Ole talavou lea 18tausaga o loo faasa e le faamasinoga ona faailoa le igoa, o loo feagai nei ma moliaga e tolu o le faaoolima faamoemoeina.
Na tulai I le faamasinoga faaitumalo I Aukilani I le taeao analeila faaaoga ai fesootaiga I le video ma ua toe taofia nei seia toe valaauina le mataupu I le faamasinoga I le aso 23 o Mati, O le taimi na tupu ai le faalavelave na faavave atu ai le vaega o fesoasoani faafuasei ao lei taina le lua I le vaveao o le toonai na tea nei, I Fort Street ma o loo taua I le lipoti a le newstalk o le tuagane o le tamaitai faasalalau o Jay Jay Feeney, o Poull Andersen leisi na aafia ai ile faalavelave faatasi ma nisi tamaitai se toalua,
E le o taua I le lipoti le mafuaaga o lenei faalavelave ao faatalia foi se lipoti lata mai mai leoleo.
Auina atu I latou ile falemai e fau si tigaina o manuaga. O le Give a little page ua faia e fesoasoani ai I le na aafia ile faalavelave ua faailoa mai ua toetiiti atoa le 7 afe tala Niu Sila.
